nürnberger hasenpanier
ach hos
wos machsdn du dou
middn in dä schdadd?
däi väkehrsambln
kannsd ned fressn
wenns aa nu su gräi senn
und afferm zebraschdreifn
wächsd aa ka groos
sei frouh dass di
nu ka audo däwischd houd
und vuä emm jächä
moußd di aa ned ferchdn
laaf hos laaf - schau zou
dassd affm schnellsdn wech
enn undäschlubf findsd:
dä Dürer wadd scho
fitzgerald kusz
|